Hapësire reklamuese

Aktualitet

Mjekët kundër testimit: Spitalet me militantë që luajnë “Solitare”

Shkruar nga Newsbomb

Mjekët kundërshtojnë ashpër testimin menduar për ta nga Ministria e Shëndetësisë. Një përfaqësi e tyre ka folur e indinjuar sot në Komisionin Parlamentar të Shëndetësisë. Sipas mjekëve gjithçka po bëhet që në spitale të emërohen mjekë dhe punonjës të tjerë që s'kanë lidhje me mjekësinë, pasi deri tani sa kanë mundur kanë sjellë militantë që luajnë "Solitare" në kompjuter.

“Ky është një testim antiligjor dhe korruptiv. Duam të mos bëhet. Këtu nuk merret vesh, ikën një ministër, ikën një drejtor, vjen një drejtor tjetër. Askush nuk analizon milionat për instalimet, mbeturinat spitalore që grumbullohjen në kazanë. A kemi raport mjek-infermier-numer shtretësish. Këtu sa herë ndërrohen partisë, zbrazen në spitale militant, që luajnë nëpër zyra “Solitare” në kompjuter”, ka thënë Tritan Kalo, mjek infeksionist I pranishëm në komision. Kalo u ka kërkuar komisionit dhe Ministrisë së Shëndetësisë të bëjnë një analizë edhe për spitalet private, që janë lënë jashtë vëmendjes. “Duhet bërë edhe një kontroll në spitalet private. A janë të mjekë të licensuar  këta që punojnë në Shqipëri. A njohin gjuhën shqipe. A kanë kaluar provime shteti siç bëjnë kolegët shqiptarë që punojnë brenda këtij sistemi”, ka shfaqur shqetësimin mjeku.

Sipas Kalos dhe shumë mjekëve që janë përfaqësuar prej tij, Ministria ka marrë një vendim të nxituar.  “Ministria ka marrë një vendim të nxituar, pa përfshirjen e profesionistëve të fushës, që nuk e njeh mirë mjekun. Duhet kërkuar një falje publike ose në të kundërt  të japë dorëheqjen ministri I Shëndetësisë. Ministria duhet të mendojë t’I rrisë pagat mjekëve dhe duhet të thotë se çfarë stafi ka Ministria për këshillimin, për çfarë meritash janë aty  dhe a e njeh autonominë e mjekëve. Apo emërimet e mjekëve duhet t’i bëjë ministri?”, ka përfunduar Kalo.

Në komision ishin edhe kreu  i Urdhërit të Mjekut Dine Abazi, kreu i Urdhërit të Infermierëve dhe mjekë të tjerë të sistemit shëndetësor.

“Urdhërin e Mjekut deri tani nuk e ka pyetur asnjeri, testimi është nismë personale e ministrit Ilir Beqaj. Testimi shpërfill dhe denigron bluzat e bardha dhe nuk ka asnjë bazë ligjore ku ministria mund të mbështesë nismën e saj. Qeveria duhet t’i mbrojë dhe sigurojë punën e mjekëve dhe t’i trajtojë denjësisht”, tha Abazi.

Po kështu ministri i Shëndetësisë, Ilir Beqaj ka dhënë sot shpjegimet për testimin e menduar të mjekëve, para Komisionit Parlamentar të Shëndetësisë.

Beqaj siguroi se nuk bëhet për të hequr mjekë nga puna, pasi sistemi shëndetësor ka nevoja akoma për mjekë. “Mjekët nuk denigrohen, rritet figura e mjekut brenda trupës shëndetësore por edhe tek pacienti. Testimi do të jetë pa pagesë, por ka kosto buxhetore që janë parashikuar tek buxheti i këtij viti”, tha Beqaj.

Në lidhje me formën që do të kryhet testimi, Beqaj ka shpjeguar se ai do të zhvillohet në dy forma, atë teorike dhe praktike. Si fillim do të nisë me infermierët, për të vazhduar më tej tek mjekët. Po kështu, Beqaj sqaroi se mjekët do të mblidhen në 3-4 rajone të vendit, për t’iu nënshtruar testimit, pa u zhvendosur shumë larg vendit të ushtrimit të profesionit të tyre.

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.