Kryeministri grek, Kyriakos Mitsotakis ia ka bërë të qartë presidentit turk, Rexhep Taip Erdogan, se territori grek nuk do të preket.
Gjatë fjalës së tij në Asamblenë e Përgjithshme të Kombeve të Bashkuara ai kritikoi provokimet e udhëheqjes turke.Mitsoktakis i quajti të pabaza pretendimet e Erdoganit për ishujt grekë.
“Nëse presidenti Erdogan dëshiron të flasë për “vijat e kuqe”, atëherë them këtë: pretendimet turke për sovranitetin e ishujve të Greqisë janë të pabaza dhe të papranueshme”, u shpreh kryeministri.
Sipas tij vënia në dyshim e sovranitetit të territorit grek kalon “vijën e kuqe” për të gjithë grekët”.
“Dhe si kryeministër i Greqisë unë nuk do të bëj kurrë kompromis për gjithçka që ka të bëjë me integritetin territorial, sigurinë dhe stabilitetin e vendit tim. Greqia nuk do të ngacmohet nga askush”, theksoi Mitsotakis.