Miratohet kontrata e koncesionit për aeroportin e Kukësit. Lajmin e konfirmon ministrja e Infrastrukturës dhe Energjitikës, Belinda Balluku.
Në një konferencë për shtyp, Balluku u shpreh se kontrata është miratuar sot në mbledhjen e Këshillit të Ministrave. Ndërsa tani kjo i hap rrugë ndërtimit të aeroportit.
"Është miratuar sot kontrata e koncesionit për aeroportin e Kukësit. Kjo i hap rrugë ndërtimit të aeroportit. Kohëzgjatja e koncesionit është 35 vite, kohëzgjatja e punimeve është 24 muaj. Do të punësohen fillimisht 220 persona. Pritet që të shkojë më tej në 12 mijë persona. Pozita e mirë gjeografike ka tërhequr vëmendjen e firmave. Synimi është që përmes çmimeve të ulëta ky aeroport të shërbejë për udhëtarët nga Kosova, Maqedonia dhe Mali i Zi. Pritet që të ketë një ndikim ekonomik për zonën", tha Balluku.