Ministrja e Financave, Delina Ibrahimaj në një konferencë ka treguar për katër produktet, çmimi i të cilëve do të caktohet sot nga Bordi i Ushqimeve.
Ajo është shprehur se katër produktet që do vendoset çmimi nga Bordi i Ushqimeve është mielli, orizi, sheqeri dhe vaji i lulediellit
“Do të përcaktojmë formulën për përcaktimin e çmimeve. Bordi i Ushqimeve ka vendosur që më 1 prill të mbajë nën monitorim katër produkte. Pra mielli, orizi kokërrgjatë, sheqeri dhe vaji i lulediellit.
Do të përcaktohet marzhi i fitimit dhe do të aplikohet. Do të dalim sot me disa çmime referencë. Nuk do të jetë me çmim më të lartë nga ai që vendos Bordi, do të publikohen sot çmimet” tha Ibrahimaj.