Hapësire reklamuese

Çështjet kryesore

Aktualitet

Ministrja e Arsimit merr VENDIMIN për shkollat: Ja kush do të rikthehet në klasa dhe kush do të vazhdojë mësimin online

Shkruar nga Newsbomb

Ministrja e Arsimit Evis Kushi ka bërë një njoftim zyrtar në lidhje me vendimin për shkollat se kush do të rikthehet në klasa dhe kush do të vazhdojë mësimin online.

Sipas njoftimit, duke filluar nga dita e hënë, më 22 shkurt 2021, mësimi do t’i rikthehet skenarit të mëparshëm. Mësimi për nxënësit e ciklit fillor nga klasa e parë deri në të 5-të do të zhvillohet në shkolla, maturantët do të zhvillojnë mësim në shkolla, ndërsa nxënësit e klasave 6-11 do të zhvillojnë mësim  sipas skenarit të kombinuar me turne (online dhe në shkollë).

Ndërkohë për gjimnazet që ndodhet në qytetet ku numri i të infektuarve është i lartë do të zhvillohet online deri më datë 26 shkurt. Bëhet fjalë për gjimnazet në qytetet: Tiranë, Fier, Vlorë, Berat, Durrës, Gjirokastër, Lezhë, Lushnjë, Pogradec dhe Kamëz.

Njoftimi i plotë:

Të dashur nxënës, mësues dhe prindër!

Ju falenderoj pa masë për mirëkuptimin dhe sakrificën e treguar gjatë kësaj jave, në të cilën përveç situatës së rënduar nga pandemia e COVID-19, u shtuan edhe problematikat e një moti të acartë në të gjithë vendin.

Dua t’ju informoj që nga dita e hënë, datë 22 shkurt 2021, të gjithë do t’i rikthehemi skenarit të mëparshëm. Pra, mësimi në të gjitha shkollat e arsimit parauniversitar, publik dhe jopublik, do të zhvillohet si më poshtë:

– nxënësit e ciklit fillor (klasa 1 – 5) në shkollë;

– maturantët në shkollë;

– dhe nxënësit e klasave 6 – 11 sipas skenarit të kombinuar.

Ndërkohë, shkollat e mesme që ndodhen në zonat me risk të lartë (Tiranë, Fier, Vlorë, Berat, Durrës, Gjirokastër, Lezhë, Lushnje, Pogradec dhe Kamëz) do të vazhdojnë “online” deri më datë 26 shkurt 2021, sipas sugjerimit të Komitetit Teknik të Ekspertëve.

Gjatë këtyre ditëve kam pasur shumë mesazhe prej jush, me shqetësime të ndryshme, disa që kërkojnë kthimin në shkollë e disa të tjerë që i tremben situatës së pandemisë. Dua t’ju siguroj edhe një herë të gjithëve që vendimet tona bazohen në prioritetin absolut për shëndetin, sigurinë dhe mirëqënien e fëmijëve tanë.

Prandaj, duke shprehur edhe një herë mirënjohjen e thellë për durimin që keni treguar këto kohë, dua të përsëris apelin e fortë që të gjithë së bashku të tregohemi sa më të kujdesshëm në respektimin e të gjitha rregullave të përcaktuara, brenda e jashtë shkollës, sepse vetëm kështu mund të ndihmojmë për të mos lejuar përhapjen e virusit.

Ju uroj sa më shumë shëndet e suksese të gjithëve!

Lexo gjithashtu

Sondazh

Poll