Ministria e Mbrojtejs thotë se nga tërmeti i mbrëmjes së sotme nuk raportohet për persona të lënduar apo dëme në banesa.
Tërmeti i orës 21:15 ishte 4.9 ballë me epiqendër rreth 3 kilometra nga fshati Bubq, dhe lëkundjet u ndjenë në disa qytete deri në Korçë, Fier e Shkodër.
“Nga komunikimi me bashkitë Durrës, Dibër, Gjirokastër, Fier, Vlorë, Shkodër dhe Lezhë nuk raportohen dëme në njerez apo materiale deri tani. Nuk raportohen dëme në Korçë e Pogradec, ku janë ndjerë lekundje te lehta”, thuhet në njoftimin e ministrisë.
Nga paniku banorë të shumtë në Tiranë, Durrës e Krujë kanë braktisur banesat dhe kanë dalë në rrugë.