Ministria e Drejtësisë ka sqaruar opinionin publik, lidhur me qarkullimin e një fotoje nga burgu i Lushnjës, në të cilën shfaqej ish-Ministri i Brendshëm, Saimir Tahiri, në shoqërinë e Kelmend Balilit, Safet Bajrit dhe të një të burgosuri tjetër, duke ngrënë në qeli.
Pas pretendimeve në medie “se të burgosurit ia kishin shtruar me alkol”, MD e mohon një gjë të tillë, duke sqaruar se në tavolinë kishte vetëm ujë dhe pije freskuese dhe se ushqimi shërbehet në dhomat e të dënuarve, pasi nuk ka një mensë kolektive.
Sa i përket fotografisë, Ministria thotë se është bërë nga personeli i burgut konform rregulloreve në fuqi.
Sqarim i opinionit publik!
Dëshirojmë t’ju informojmë se personat në fotografi, në kohën kur është bërë kjo foto, vuanin dënimin me statusin e ‘të burgosurit’ në IEVP ‘Kosova e Lushnjes’.
Këta të burgosur kanë qenë të akomoduar në të njëjtin sektor dhe është e rëndësishme të theksojmë se në këtë IEVP, ushqimi shërbehet gjithmonë në dhomat e të dënuarve, pasi nuk ekziston një ambient i veçantë (menzë kolektive) për ngrënien e ushqimit, por konsumohet vetëm në dhomat e tyre.
Në lidhje me pretendimet për pije alkoolike, është e dukshme që në tavolinë janë shishe me ujë, si dhe gota me pije freskuese.
Në asnjë rast nuk ka pasur shkelje, dhe në bazë të rregulloreve, konsumimi i verës apo pijeve alkoolike është i ndaluar në të gjitha IEVP-të në vendin tonë.
Fotografia në fjalë ka qënë pjesë e disa fotografive të bëra nga personeli i IEVP “Kosovë e Lushnjes”, gjatë ndjekjes së një dite normale në Institucion, konform rregulloreve ne fuqi.
Në të njëjtën kohë, dëshirojmë të bëjmë të ditur se ky institucion është përgjatë gjithë kohës i monitoruar nga SHKBB dhe mekanizmat monitorues.
Drejtoria e Burgjeve ju falenderon për ndjeshmërinë dhe është e hapur për adresimin e saktë të çdo shqetësimi me ndjeshmëri të lartë publike.
Duke ju falenderuar për mirëkuptimin,
Me respekt,
Drejtoria e Përgjithshme e Burgjeve”
Sondazh
Lexo gjithashtu
