Hapësire reklamuese

Politikë

Ministri Mete takim me ambasadorin e BE, në fokus reformat për procesin e integrimit

Shkruar nga Newsbomb
Ministri Mete takim me ambasadorin e BE, në fokus reformat për

Ministri i Financave, Ervin Mete ka zhvilluar një takim me ambasadorin e BE në Tiranë, Silvio Gonzato.

Takimi pati në fokus çështje me rëndësi si Plani i Rritjes për vendet e Ballkanit Perëndimor, referomat për Përshpejtimin e Procesit të Instegrimit si dhe për rritjen e bashkëpunimeve mes Bashkimit Europian dhe Shqipërisë.

Ministri ka zbardhur disa pika kryesore të takimit, ku dhe falënderoi Ambasadorin Gonzato për mbështetjen që BE ka dhënë dhe vijon të japë për të çuar përpara reformat, edhe në kuadër të procesit të integrimit në Bashkimin Europian.

Mes të tjerash ministri theksoi se Shqipëria pati një angazhim profesional dhe u vlerësua pozitivisht nga ekspertët e Komisionit Europian sa i takon procesit të shqyrtimit analitik të legjislacionit.

Me Ambasadorin e Bashkimit Europian në Tiranë, z. Silvio Gonzato.

Diskutuam mbi ecurinë e procesit të negociatave Shqipëri-BE, Planin e Rritjes për vendet e Ballkanit Perëndimor, si edhe mundësitë për thellimin e mëtejshëm të bashkëpunimit.

Nënvizuam ecurinë e mirë të ekonomisë shqiptare dhe rezistencën e shfaqur ndaj një sërë goditjesh.

Në kuadër të procesit të reformave dhe integrimit të vendit në Bashkimin Europian, Këshilli i Ministrave miratoi ditën e djeshme edhe Programin e Reformave Ekonomike (ERP) 2024 – 2026, si një dokument të rëndësishëm për vijimësinë.”

Ambasadori Gonzato vlerësoi bashkëpunimin dhe lidhjet e forta mes Shqipërisë dhe BE-së, duke nënvizuar gjithashtu rezistencën e shfaqur nga ekonomia shqiptare ndaj goditjeve të njëpasnjëshme. Z. Gonzato nënvizoi se turizmi ka qënë një shtytës i rëndësishëm jo vetëm sa i përket zhvillimit të ekonomisë, por edhe përmirësimit të imazhit të vendit. Ai vlerësoi gjithashtu se Shqipëria ka forcuar më tej rolin dhe reputacionin e saj në arenën ndërkombëtare, si një partner i besueshëm.

Gjithashtu u diskutua rreth Planit të ri të Rritjes për Ballkanin Perëndimor, i cili përfshin 6 miliardë Euro grante dhe kredi dhe pritet të sjellë deri në 1 miliardë Euro mbështetje financiar edhe për Shqipërinë në funksion të përshpjetimit të reformave, nxitjes së rritjes ekonomike dhe thellimit të konvergjencës socio-ekonomike me BE-në.

Këshilli i Ministrave miratoi ditën e djeshme edhe Programin e Reformave Ekonomike (ERP) 2024 – 2026, si një dokument të rëndësishëm në kuadër të procesit të reformave dhe integrimit të vendit në Bashkimin Europian.

Komisioni Evropian në Progres Raportin e vitit 2023 vlerësoi ecurinë e vendit sa i përket përmbushjes së kritereve kryesore në procesin e negociatave të integrimit, si dhe progresin e bërë në disa prej kapitujve që u negociuan nga Ministria e Financave dhe Ekonomisë.

Sondazh

Poll

Lexo gjithashtu

Hapësire reklamuese