Ministri i Jashtëm rus Sergei Lavrov tha sot se Perëndimi nuk po e mban zotimin e dhënë për të ndihmuar eksportet ruse të ushqimit dhe plehrave në tregjet ndërkombëtare.
Lavrov tha se Perëndimi nuk i kishte lehtësuar sanksionet për ta bërë më të lehtë për Rusinë lëvizjen e produkteve të saj bujqësore jashtë vendit.
Moska e sheh zotimin si një pjesë kyçe të një marrëveshjeje të qershorit të ndërmjetësuar nga Organizata e Kombeve të Bashkuara dhe Turqisë për t'i dhënë fund bllokimit të eksporteve të grurit nga portet e saj jugore dhe për të kufizuar rrezikun e një krize globale ushqimore.
“Kolegët tanë në Perëndim nuk po bëjnë atë që na është premtuar nga sekretari i përgjithshëm i OKB-së. Ata nuk po marrin vendime për të hequr sanksionet për çështjet logjistike që pengojnë aksesin e lirë të grurit dhe plehrave ruse në tregjet botërore" tha Lavrov në një konferencë për shtyp në Moskë.