Ministri kroat përsërit thirrjen për BE në lidhje me Kosovën: Ka ardhur momenti që të hiqen vizat

Ministri i Punëve të Jashtme të Kroacisë, Gordan Grliç Radman, ka thënë se ka ardhur koha që Evropa t’i heqë vizat për qytetarët e Kosovës.

Pak para nisjes së takimit të ministrave për Evropën të 27 vendeve anëtarë të BE-së, Grliç Radman tha se Kroacia është përkrah Kosovës dhe është pro liberalizimit të vizave.

Kjo nuk është hera e parë që ai del në mbështetje të Kosovës. Më herët Grliç Radman u ka bërë thirrje vendeve të Bashkimit Evropian të cilët ende nuk e kanë njohur pavarësinë e Kosovës,  ta bëjnë këtë.

Sipas tij, njohja e Kosovës edhe nga pesë vendet e BE-së do të sillte stabilitet në rajon.