Hapësire reklamuese

Aktualitet

Ministri gjerman Roth: JO-ja për Shqipërinë dhe MV po i hap rrugën vendeve që e rrezikojnë demokracinë. BE bëri gabim historik

Shkruar nga Newsbomb
Ministri gjerman për Çështjet Europiane, Michael Roth

Në një opinion të tij për gazetën gjermane ’Die Welt’, ministri gjerman për Çështjet Europiane, Michael Roth foli mbi vendimin e negociatave për Shqipërinë dhe Maqedoninë e Veriut dhe shpalosi këndvështrimin e tij, si ministër.

Roth deklaroi se BE është koshiente mbi përparimin që ka bërë Shqipëria dhe RMV.

Sipas tij, Brukseli e di mirë se ato kanë përmbushur kushtet dhe tashmë i përkasin Europës prandaj do të ishte fatale nëse në lojë futen aktorë të tjerë dhe hapësirën e tyre e zënë  Rusia, Kina apo Turqia.

‘Bashkimi Europian e tha fjalën e tij, Shqipëria dhe Maqedonia e Veriut kanë përmbushur kushtet e përcaktuara nga Brukseli dhe ato i përkasin Europës, kështu që është fatale të lëmë hapësirën për aktorë të tjerë si Rusia, Kina apo Turqia’, deklaroi Roth.

Sipas ministrit, vendimi i BE për të mos i dhënë dritën jeshile Shqipërisë dhe MV-së është i gabuar dhe në dëm jo vetëm të këtyre dy vendeve por edhe të vetë BE.

Roth citon presidentin në largim të Komisionit të BE-së, i cili e konsideron gabim historik mbylljen e derës europiane për këto dy vende.

”Ne duhet të reformojmë Bashkimin Europian. Por, thellimi i vonuar i BE-së nuk është në kontrast me zgjerimin e tij. Një Bashkim Europian më i madh, që është në të njëjtën kohë më i aftë, më sovran dhe më demokratik, mund të krijojë më shumë siguri për njerëzit e tij.

Prandaj, presidenti në largim i Komisionit të BE-së, Juncker, ka mjaft të drejtë kur thotë se ”është një gabim historik që liderët e BE-së refuzuan më 18 tetor dritën jeshile për përfshirjen e planifikuar të bisedimeve të anëtarësimit me Maqedoninë e Veriut dhe Shqipërinë”, shtoi Roth.

Sipas ministrit gjerman, JO-ja për Shqipërinë dhe Maqedoninë e Veriut, vuri në pikëpyetje edhe faktin nëse BE mban apo jo premtimet, që deri tani kjo ishte e padiskutueshme.

‘Kjo dështoi për shkak të unanimitetit të kërkuar. Shtyrja e një votimi pozitiv shkaktoi një habi si në Ballkan ashtu edhe në BE, sepse BE-ja u qëndron fjalëve’, tha ai.

Sipas Roth, vendimi i BE për këto dy vende po i hap rrugën shteteve si Rusia, Kina apo Turqia, që nuk kanë aspak në synimin e tyre forcimin e demokracisë apo shtetit të së drejtës.

‘Kur BE i kthen shpinën Ballkanit Perëndimor, ajo ia lë hapësirë aktorëve të tjerë, si Rusia, Kina apo Turqia, ku interesi i tyre kryesor, sigurisht që nuk është forcimi i demokracisë dhe shteti i së drejtës’, shtoi Roth.

Roth bën me dije se ky ndryshim i papritur demton besueshmërinë e BE dhe mund të degjenerojë deri në nacionalizëm dhe shpërthimit të plagëve të vjetra dhe konflikteve etnike.

‘Ndryshimi i përsëritur dëmton besueshmërinë e BE-së. Në Rajon, fuqizon ato forca që nuk kanë asnjë interes për reformë dhe përparim. Kryeministri i Maqedonisë së Veriut, Zaev, tashmë ka njoftuar dorëheqjen e tij dhe zgjedhjet e reja për në muajin prill. Ekziston rreziku i një rikthimi në nacionalizëm dhe shpërthimit të plagëve të vjetra dhe konflikteve etnike’, tha ai

Roth i bën thirrje Brukselit se në pranverën e 2020-ës kjo temë duhet të vijë përsëri në vëmendjen dhe axhendën e krerëve të shteteve dhe qeverive të BE-së. Por këtë herë nuk ka vend për papërgjegjshmëri.

‘Në pranverën e vitit 2020, kjo temë duhet të vijë përsëri në axhendën e krerëve të shteteve dhe qeverive të BE-së. Atëherë patjetër duhet ta sqarojmë se i përmbahemi perspektivës së pranimit. Vonesat e mëtejshme do të ishin të papërgjegjshme”, bëri me dije Roth.

Ministri i bën thirrje edhe Shqipërisë dhe Maqedonisë së Veriut të vazhdojnë përpjekjet e tyre për reforma. Dhe ti japin një sinjal të mirë të gjithë skeptkëve.

‘Ndërkohë, Maqedonia e Veriut dhe Shqipëria duhet të vazhdojnë përpjekjet e tyre për reforma. Ky është sinjali më i mirë për të gjithë skeptikët. Në të njëjtën kohë, ne duhet të bëjmë detyrat tona të shtëpisë me BE-në dhe të sqarojmë se si t’i tejkalojmë rezervat e shteteve anëtare!

Mund t’i ndihmojmë ata me ekspertë, në mënyrë që të çojnë përpara reformat e nevojshme. Si pjesë e procesit të Berlinit, ne duhet të jemi edhe më të përfshirë dhe të investojmë më shumë në bashkëpunimin rajonal”, përfundon ministri gjerman për Çështjet Europiane’, Michael Roth.

Lexo gjithashtu

Sondazh

Poll