Diskutimi për fyerjet online në studion e “Opinion”, ka degjeneruar në përplasje verbale mes ministres së Inovacionit, Milena Haritos dhe gazetarit Çim Peka.
Duke iu referuar ligjit të vitit 2009, Harito i është drejtuar Pekës duke i thënë: “Ja çfarë thotë ligji i qeverisë tuaj”.
Ka qenë ky momenti që ka nxehur gazetarin, i cili ka shpërthyer ndaj ministres.
Peka: Si nuk ke turp. Dhe kërkon dinjitet pastaj. Kur kam qenë unë pjesë e qeverisjes? Nëse ke ardhur këtu të flasësh si Rama… Dhe pastaj kërkoni dinjitet.
Harito: Mesa di unë vëllai yt ka qenë zv/ministër…
Peka: Edhe çfarë pastaj?! Nëse i bie kështu, ti atëhere je Enver Hoxha, nëse merremi me familjarët. Turp, kjo është ministre dhe kjo do bëj ligjin.