Vizita e Zonjës së Parë Michelle Obama në Arabinë Saudite nuk ka kaluar pa polemika, pasi ka qenë moment kur monarku i ri saudit, mbreti Salman ka takuar duke i dhënë dorën Michelle Obamën, veprim ky që nuk është i lejueshëm dhe etik në mbretërin islamike të Arabisë Saudite.
Ligjet islamike në këtë vend e ndalojnë kategorikisht shfaqjen e grave të pambuluara me shami në publik. Por a ishte kjo një shkelje e protokollit nga Zonja e Parë? A theu ajo ligjet e shtetit islam?
Për arabët kjo sigurisht që përbën një shfaqje te “turpshme”, në një vend ku gruaja është nën ‘kujdestarinë’ e burrave dhe nuk gëzon te drejta të barabarta, dhe nuk mund të pranohet lehtë që një grua të takojë me dhënien e dorës një mashkull të huaj dhe për më tepër Monarkun.
Gazetarja e CNN Frida Ghitis, shprehet: “Michelle Obama nuk ka kryer asnjë veprim të kritikueshëm dhe të tepruar, pasi protokolli nuk e ndalon të shfaqet e pambuluar dhe ajo ka ndjekur shembullin e shumë grave të tjera perëndimorë që kanë vizituar Arabinë Saudite si Kancelarja Angela Merkel apo Hillary Clinton të cilat kanë ruajtur stilin e tyre ‘perëndimor’.
Frida Ghitis e vë theksin tek marrëdhëniet SHBA-Arabi Saudite, a duhet ta ketë SHBA aleat një vend që nuk ndan vlera të përbashkëta? Dhe nga ana tjetër kanë shumë interesa të përbashkëta pasi Arabia Saudite është një vend shumë i pasur me naftë dhe një nga vendet më të fuqishme në Lindjen e Mesme, pra SHBA dhe Arabia Saudite ndajnë bashkë shume interesa stretegjike dhe duhet thënë se SHBA-së i duhet Arabia Saudite dhe Arabia Saudite ka nevojë për SHBA-në.
Pyetja që shtrohet është: Vlerat apo Interesat? Kjo është një çështjë shumë e diskutueshme por duke parë uljen e madhe të çmimit të naftës këto kohë, e cila ka arritur deri në 45 $ për fuçi, duket se po na interesojnë më shumë “interesat”. Arabia është një vend me ligje strkte mbi femrat, që madje nuk lejohen as të drejtojnë makinat.