Presidenti i Republikës Ilir Meta ka takuar gjatë ditës së sotme zyrtaren e lartë të Bashkimit Europian, Federica Mogherinin.
Meta shprehet se ishte një kënaqësi dhe pavarësisht vështirësive që mund të kapërcehen vetëm me dialog e bashkëpunim, integrimi europian është e vetmja rrugë përpara.
Sipas Metës, prania e saj në Samitin e Brdo-Brijuni është tregues i rëndësisë që BE i jep bashkëpunimit rajonal.
‘Kënaqësi të takohem me Përfaqësuesen e Lartë të Bashkimit Europian, Federica Mogherini. Pavarësisht sfidave dhe vështirësive që mund të kapërcehen vetëm me dialog e bashkëpunim, integrimi europian është e vetmja rrugë përpara. Prania e saj në Samitin e Brdo-Brijuni, tregues i rëndësisë që BE i jep bashkëpunimit rajonal’, shkruan Meta.