Presidenti ilir Meta ka përkujtuar 16-vjetorin e vdekjes së presidentit të Kosovës, Ibrahim Rugova.
Përmes një postimi në Facebook Meta shkruan se Rugova është ideatori dhe vizionari i realizimit të projektit të lirisë, pavarësisë dhe përcaktimit euroatlantik të Kosovës.
“Sot kujtojmë ditën kur Presidenti historik i Kosovës, Ibrahim Rugova kaloi në përjetësi 16 vite më parë. Ideatori dhe vizionari i realizimit të projektit të lirisë, pavarësisë dhe përcaktimit euroatlantik të Kosovës do kujtohet me nderim si modeli më i mirë i urtësisë, durimit dhe largpamësisë në interesin më të mirë të popullit dhe vendit”, shkruan Meta.