Kreu i Partisë Demokratike, Lulzim Basha, sonte, në studion e emisionit “Opinion” ka deklaruar se ftesa e qeverisë ka qenë e pasinqertë, pasi prej disa muajsh kanë rënë dakord për kandidaturën e Presidentit të Republikës.
“Ilir Meta nuk ka dhe as nuk mund të ketë lidhje me çadrën. Loja e sotme në Parlament është e pagëlltitshme e republikës së vjetër.
Të gjithë e dinim që është dakordësuar zgjedhja e Metës President, por këto lajmërime janë fasadë për të mashtruar qytetarët. Edi Rama dhe Ilir Meta kanë bërë pazarin e rradhës dhe ky pazar është që të bëhet kreu i shtetit”, tha Basha.