Presidenti i Shqipërisë Ilir Meta sot feston ditëlindjen e tij të 52-të, me urime dhe fjalë të bukura që nuk i munguan as nga familjarët e as nga miqtë apo kolegët.
Kreu i Shtetit ka publikuar pak minuta më parë në rrjete sociale foton e shtëpisë së vjetër të gjyshit të madh në Çepan të Skraparit.
Meta thotë se është krenar që u lind në një shtëpi e cila është djegur dy herë nga pushtuesit e huaj, dhe tepër entuziast thotë se pas 25 prillit do ta rindërtoj së bashku me kushërinjtë e tij, në derim të partizanëve të plagosur që ajo shtëpi i mirëpriti si një spital lufte.
Referuar shënimit të Metës, kujtojmë që “Operacioni i dimrit” është operacioni i koduar i gjermanëve për pushtimin e territorit të juglindjes së Shqipërisë gjatë Luftës së Dytë Botërore. Okupatorët, të zemëruar egërsisht nga dështimi i fazës së parë të Operacionit të Dimrit, ndërmorën me ashpërsinë më të madhe disa fazat të këtij operacioni barbar: fazën e dytë (29 janar-6 shkurt), fazën e tretë (6-14 shkurt) dhe fazën e katërt (4-12 prill). Qëllimi final i forcave gjermane ishte asgjësimi i Luftës Nacionalçlirimtare në zonat e lëvizjes.
Shënimi i Metës
Sot, në ditën e lindjes time kujtoj me nostalgji shtëpinë e gjyshit të madh, në Çepan të Skraparit, ku u linda më 24 mars 1969.
Krenar, që linda në një shtëpi, që u dogj dy herë nga pushtuesit dhe u rindërtua më e madhe.
Pas 25 prillit, më duhet ta rindërtoj për herë të tretë, së bashku me kushërinjtë e mi edhe në nderim të dhjetëra partizanëve të plagosur, të cilët kjo shtëpi i mirëpriti si Spital Partizan gjatë "Operacionit të Dimrit".
MALET TONA MË TË LARTA!
Sondazh
Lexo gjithashtu
