Tirana
clear sky
29.5 ° C
29.5 °
29.5 °
37 %
4.6kmh
0 %
Enj
28 °
Pre
31 °
Sht
28 °
Die
30 °
Hën
28 °
E enjte, 16 Shtator, 2021

Meta pas takimit me Varhelyi: E informova se ndryshimet në Kod do i rikthej për rishqyrtim në Kuvend! Zgjidhja do të vijë nga populli

spot_img

Lajme të ngjashëm

dbab10ece9b730b72cb74a670f16dd1a

Presidenti i Republikës së Shqipërisë Ilir Meta, ka reaguar pas takimit me Komisionerin për Zgjerimin në BE, Oliver Varhelyi.

Përmes një shënimi në rrjete sociale, Meta thotë se përtej falenderimeve, e ka informuar Komisionerin se do të rikthejë për rishqyrtim në Kuvend ndryshimet e Kodit Zgjedhor.

Sipas Metës, kjo është një mundësi e dytë që i jepet qeverisë “të tërhiqet nga minimi i procesit zgjedhor, me pasoja të rënda e afatgjata ndaj integrimit europian të Shqipërisë”.

Reagimi i plotë i Metës

Kënaqësi të takohesha me Komisionerin për Politikën e Fqinjësisë Europiane dhe Negociatat e Zgjerimit, z. Oliver Varhelyi.

E falenderova për të gjitha përpjekjet e tij dhe të institucioneve europiane për të mbështetur integrimin europian të Shqipërisë.

Duke u ndalur tek reforma zgjedhore, përcaktuar si kusht themelor për nisjen e negociatave të anëtarësimit, e informova Komisionerin se do të rikthej për rishqyrtim në Kuvend ndryshimet e njëanshme të Kodit Zgjedhor.

Duke mirëkuptuar kërkesën dashamirëse të Grupit të PPE në Parlamentin Europian për t’i dhënë edhe një mundësi Kuvendit një-partiak të tërhiqet nga minimi i procesit zgjedhor, me pasoja të rënda e afatgjata ndaj integrimit europian të Shqipërisë, uroj që pushteti të kthehet tek Marrëveshja konsensuale e 5 Qershorit.

E garantova Komisionerin Varhelyi se çdo zgjidhje do të vijë nga populli shqiptar.

25 Prilli do të jetë një referendum popullor që do t’u japë përgjigjen e merituar të gjithëve atyre që tentojnë të luajnë me të ardhmen europiane të vendit.

gru.jpg

ata.jpg

Lexo edhe:

Nuk ka lajme të lidhura për këtë lajm

Më shumë

spot_img