Ditën e sotme është ndarë nga jeta në moshën 86 vjeçare Paulin Preka, “Mjeshtër i Madh” i humorit shkodran dhe aktor i mirënjohur i skenës shqiptare.
Presidenti Ilir Meta ka dhënë mesazhin e tij të ngushëllimit përmes një postimi në rrjetet sociale, ku shprehet se kujtimi i Prekës do të mbetet i paharruar dhe gjithmonë i respektuar.
“Ndarja nga jeta e Mjeshtrit të Madh, Paulin Preka lë pas një boshllëk të madh dhe të pazëvendësueshëm në artin shqiptar.
Shkodra humbi një personalitet, që simbolizonte humorin e saj brilant dhe shpotitës, ndërsa teatri dhe kinematografia një aktor me dimensione të mëdha, që me karakteret dhe rolet e dashura që luajti, i dha rreze gëzimi një populli të izoluar në errësirë për dekada.
I skalitur në memorien e publikut shqiptar, kujtimi i tij do të mbetet i paharruar dhe gjithmonë i respektuar!
Ngushëllime familjes dhe komunitetit të artistëve!
Të prehet në paqen e merituar”, shkruan Meta.
LEXO EDHE: E trishtë, shuhet në Itali “Mjeshtri i Madh” i humorit shkodran Paulin Preka