Komisioni Qëndror i Zgejdhjeve ka marrë në shqyrtim sot kërkesën e presidentit Ilir Meta, Avokatit të Popullit dhe PD-së, të cilët i kërkojnë këtij institucioni që të ndërhyjë për të anuluar vendimin e Komitetit të Ekspertëve, lidhur me karantinimin e emigrantëve.
“Të anulohet urdhri për karantinimin e emigrantëve që vijnë nga Maqedonia e Veriut dhe Greqia” thuhet në kërkesë.
Sipas këtij urdhëri emigrantët që vijnë nga këto dy vende nuk mund të marrin pjesë në zgjedhjet e së dielës.
Mësohet se kreu i KQZ Ilirjan Celibashi u shpreh se këtë kërkesë do t’ia pëcjellë Ministrisë së Shëndetësisë dhe Çështjeve Sociale, pasi sipas tij kjo nuk është në kompetencat e tij.
“Çështja në fjalë është jashtë kompetencës sime. Është kompetencë e Ministrit të Shëndetësisë. Këtë kërkesë do t’ja përcjell menjëherë Ministrisë së Shëndetësisë dhe Çështjeve Sociale”, u shpreh Celibashi.
Pak ditë më parë Komiteti Teknik i Ekspertëve vendosi karantinë dy javore për të gjithë emigrantët që kthehen nga Greqia dhe Maqedonia e Veriut, pasi sipas tyre në këto shtete kurba e infektimit nga Covid-19 është në rritje.