Ish-kryeministri Sali Berisha e ka quajtur të drejtë vendimin e presidentit Ilir Meta për anulimin e datës së zgjedhjeve.
Nga protesta, teksa po marshonte drejt Parlamentit, Berisha ka thënë se vendimi i Metës është kushtetues dhe synon parandalimin e një konflikti të gjerë civil.
“Vendim që bazohet në themelet e kushtetutshmërisë së vendit, një vendim i cili synon zgjidhjen dhe parandalimin e një konflikti të gjerë civil drejt të cilit po e çonte varrmihësi i pluralizimit politik Edvin Kristaq xhelati”, deklaroi Berisha.