Hapësire reklamuese

Politikë

Meta akuza SPAK: Shumë çështje që kemi depozituar s'janë prekur

Shkruar nga Newsbomb
Meta akuza SPAK: Shumë çështje që kemi depozituar

Kryetari i Partisë së Lirisë, Ilir Neta, ka hedhur akuza ndaj SPAK. Përmes një postimi në rrjetet sociale, Meta shkruan se shumë çështje të cilat janë depozituar pranë SPAK nga Partia e Lirisë ende nuk janë prekur.

Sipas Metës organi më i madh i drejtësisë është kthyer në një nga bizneset më të mëdha të qeverisë.  Mirëpo, ai thekson se Partinë e Lirisë asgjë nuk e shfokuson nga beteja kundër kapjes së shtetit, kundër korrupsionit.

“Shumë çështje që deputetë, funksionarë, drejtues të Partisë së Lirisë apo të opozitës i kanë depozituar në SPAK, të cilat cënojnë në mënyrë të drejtpërdrejtë interesin publik, të cilat dëshmojnë korrupsion të faktuar nuk preken, pavarësisht se për to kanë firmosur deputetë, kanë firmosur emra të njohur publikë.

Ndërkohë, ju e keni parë që një nga bizneset më të mëdha të kësaj qeverie është ai i sponsorizimit të kallëzuesve të rremë, njerëz me probleme, njerëz të dënuar nga gjykata, njerëz të dënuar edhe jashtë vendit jo vetëm këtu, të cilat ndiqen me prioritet dhe është e drejta e tyre t’i ndjekin.

Për ne ky nuk përbën asnjë lloj shqetësimi. Asgjë nuk na shfokuson në betejën tonë kundër kapjes së shtetit, kundër korrupsionit dhe gjithashtu kjo është një përpjekje që ne bëjmë që edhe Drejtësia të çlirohet sa më parë nga ky presion kaq i madh intimidues”, shkruan Ilir Meta.

Sondazh

Poll

Lexo gjithashtu

Hapësire reklamuese