Hapësire reklamuese

Showbiz

Mes lotësh, Ema Andrea rrëfen për herë të parë si e bija e shpëtoi nga vetëvrasja: Hapi derën dhe...

Shkruar nga Newsbomb
Mes lotësh, Ema Andrea rrëfen për herë të parë si

Aktorja Ema Andrea për herë të parë ka rrëfyer një nga momentet e saj më të vështira. Mes lotëve dhe emocioneve të forta Ema ka treguar se ka qenë gati për të kryer vetëvrasje, por ka qenë vajza e saj, Sara, ajo e cila fatmirësisht e ka ndaluar.

“Ishte një mendim afër veprimit. Ka qenë punë 10 minutash që do ta kthenin mendimin në veprim. Ishte Sara, që hapi derën, dhe tha ‘Mami, pse nuk po fle?’ E ka dërguar natyrisht një engjëll, diçka më e madhe se unë. Është një moment që të duket sikur do kapësh një dritë tjetër, është shumë i rrezikshëm. Uroj dhe këshilloj që njerëzit t’u rrinë pranë njerëzve të tyre, t’i kuptojnë më mirë, se askush nuk i gjen dot arsyet e vërteta; është zonë shumë e errët, të cilën ne mund ta luftojmë duke mos i lënë njerëzit tanë vetëm”, tha Ema Andrea, teksa më tej ka rrëfyer edhe arsyen se pse po përballej me ato mendime të errëta.

“Psikozë n’4:48’ është një moment shumë i rëndësishëm i imi, jo vetëm sepse u realizua një shfaqje ndryshe, [por sepse ishte] një tekst i cili më ka bërë të gjej shumë veten dhe ndoshta për herë të parë ka qenë një moment shumë i vështirë i vetes sime me veten time…kur unë, mund të merrja edhe vendime fatale për veten. Kjo shfaqje më ka shpëtuar,” u shpreh ajo.

“Isha shumë e mërzitur, e përjashtuar, më dukej vetja e dështuar, e pazonja, që po më shfrytëzonin, që nuk ia dola. Për mua ishte një vetmi e tejskajshme, isha e braktisur, në të gjitha krahët. Dhe nuk ia fal atyre që ma bënë, në sensin që nuk do t’i fus kurrë në zemër dhe në hapësirën time ata njerëz që e kanë rritur atë frustim dhe më kanë shftrytëzuar në momentet e mia të dobëta”, shton aktorja.

 

 

 

Sondazh

Poll

Lexo gjithashtu