Një makinë është përfshirë nga flakët gjatë orëve të para të mëngjesit në Kamëz.
Ngjarja ka ndodhur, në rrugën “Donald Trump”, ku ka marrë flakë dhe është djegur plotësisht, një makinë në pronësi të shtetasit D. M.
Dyshohet se zjarri është shkaktuar si pasojë e një defekti teknik dhe se nga kjo janë dëmtuar dhe dy mjete të tjera që ndodheshin aty pranë.
Paraprakisht dyshohet se është ngjarje aksidentale dhe grupi hetimor po punon për sqarimin e rrethanave të ngjarjes.