Avokati i njohur Spartak Ngjela, ka ardhur në një rrëfim ndryshe këtë të shtunë nga ambientet e zyrës së tij, duke zbuluar rutinën e përditshmërisë. Gjatë intervistës, Ngjela nuk ka nguruar të ftojë moderatoren për të kaluar së bashku një pasdite në shoqërinë e një gote vere.
Avokati ka spikatur shpesh për komplimentat në median online ndaj gazetareve shqiptare, ku jo pak herë ka përfunduar në faqet kryesore të portaleve. Një situatë e përafërt ka ndodhur dhe sonte me Çenkuela Hasën.
Moderatorja: Folëm për mëngjeset tuaja, punën, por si janë mbrëmjet e avokatit, cilët janë njerëzit që të shoqërojnë?
Spartak Ngjela: Po të jem i disponuar se puna dhe të lodh. Punoj këtu, bëj padi, bëj mbrojtje në gjyq, shkruaj dhe në shtëpi. Ajo më jep gjallëri në fakt nuk më shqetëson. Vijmë në momentin e darkës, jam me Sokratin. Sokrati ka thënë biseda me verë pas darke, merr ti ndonjë ditë ndonjë shoqe, pimë verë dhe bëjmë bisedë.
Moderatorja: Biseda të çfarë natyre?
Spartak Ngjela: Biseda pas darke quhet, drejtojeni ju bisedën por mos na fusni në kozmos, flasim për kozmosin.