Një aksident i rëndë ka ndodhur paraditen e kësaj të enjteje në Berat, shkruan newsbomb.al. Një mjet Mercedes Benz ML është përplasur me një mjet tjetër tip Toyota dhe të dy kanë përfunduar jashtë rruge, në një kanal.
Mësohet se nga përplasja e fortë ka disa persona të plagosur, ndërsa dëmet materiale janë të shumta pasi të dy mjetet janë shkatërruar plotësisht. Në makinën e autoshkollës, sipas burimeve, ka pasur veç shoferit dhe 4 kursantë që kanë qenë duke mësuar.
Policia ka shkuar në vendngjarje dhe po punohet për zbardhjen e shkaqeve të aksidentit të rëndë. Ndërkohë, të plagosurit që janë më shumë se katër janë dërguar në spital për ndihmën e nevojshme mjekësore. (Pamjet nga Ora News)