Policia turke ka kapur 1 ton kokainë në portin e Mersinit, sasia më e madhe e sekuestruar ndonjëherë në shtetin turk.
Kokaina mbërriti në Turqi nga Ekuadori me një anije të regjistruar në Liberi, teksa trafikantët e kishin fshehur drogën në kontenierin e bananeve.
Lënda narkotike ishte e shpërndarë në 1000 pako, ndërkohë që autoritetet deklaruan se janë kryer disa arrestime, por hetimet do të vijojnë për të identifikuar persona të tjerë të përfshitë në tregtinë e kokainës.
Vitin e kaluar policia turke arriti të kapte 615 kilogram kokainë, e futur pikërisht prej portit të Mersinit, i vendosur në Turqinë jugore.
MEGAOPERACIONI/ Sasia më e madhe e sekuestruar ndonjëherë, kapet 1 ton kokainë në një port në Turqi, ishte fshehur në kontenierin e bananeve
