Prej disa ditësh shqiptarët kanë qenë kryefjalë e disa prej gazetave më prestigjoze në Britaninë e Madhe, ku për shkak të fluksit të lartë të emigrantëve, shpesh edhe janë paragjykuar dhe etiketuar si kontigjent kriminal.
Megjithatë jo të gjitha gazetat britanike kanë fjalë të kjëqija për Shqipërinë dhe shqiptarët. Një ndër to është tabloidi “Mirror” që ka vendosur t’i dedikojë vendit tonë një reportazh për bukuritë natyrore, duke e quajtur si “Maldivet e Europës”.
Gazeta shkruan se në Shqipëri mund të gjenden plazhe të mrekullueshme si ai i Ksamilit, me akomodim modern dhe me çmime shumë herë më të lira se plazhet ekzotike në Maldive.
“Nëse ai çmim është shumë i lartë dhe kilometrat e ajrit që nevojiten për të arritur në Maldive shumë të mëdha, atëherë ekziston një opsion më i lirë shumë më afër shtëpisë, që mund të krahasoshet me parajsën e plazhit.
Ksamili në Shqipërinë e Jugut po shpallet nga TikTokers dhe influencuesit – ndoshta me inkurajimin e qeverisë së vendit – si “Maldivet e Shqipërisë”, thuhet ndër të tjera në artikullin e Mirror.