Monika Kryemadhi ka urur mbrëmjen e sotme festën e Pashkëve, teksa ka publikuar edhe një foto ku duket një shportë me vezë dhe portreti i Nënë Terezës në sfond.
Kryetarja e LSI-së i uron të gjithë shqiptarëve Pashkë të bekuara teksa thekson se kjo ditë e bekuar i fton të gjithë të shikojnë përpara dhe të hapin zemrën ndaj të mirës e besimit në Zot.
Postimi i plotë i Kryemadhit
Në vigjilje të kremtimit të Pashkëve, ringjallja e Krishtit sjell pranë familjeve tona shpresën e gëzimit të jetës përtej vështirësive.
Pas javëve të kreshmës, të kaluara në një situatë të vështirë si kjo që po përballemi të gjithë bashkë në kushtet e pandemisë, kjo ditë e bekuar na fton të shikojmë përpara duke hapur zemrën ndaj të mirës, të forcojmë besimin te Zoti dhe dashurinë për njëri-tjetrin, për vendin, kombin. Kështu, e nesërmja jonë do të jetë me siguri e lumtur.
Pashkë të bekuara, me shpresën se paqja dhe harmonia do të mbizotërojnë gjithmonë në familjet tuaja! Zoti e bekoftë Shqipërinë dhe shqiptarët!