Hapësire reklamuese

Aktualitet

Me shpejtësi skëterrë në zonë të banuar, gjobë të majme për fierakun që bënte manovra të rrezikshme në rrugë (VIDEO)

Shkruar nga Newsbomb
Me shpejtësi skëterrë në zonë të banuar,

Një 23-vjeçar nga Fieri është gjobitur me 43 000 lekë, pasi kreu manovra të rrezikshme në rrugë, si dhe ecte me shpejtësi tej normave.

I riu me inicialet R. D. postonte video ku shfaqej duke kryer manovra në zonë të banuar, duke rrezilkuar kështu jetën e qytetarëve. Pas publikimit të videos, Policia bëri të mundur identifikimin dhe ndalimin e 23 vjeçarit, i cili u ndëshkua me gjobë të majme.

Njoftimi i Policisë:

Fier

Kreu manovra të rrezikshme, me automjet me shpejtësi, në një zonë të banuar, identifikohet drejtuesi i automjetit dhe ndëshkohet me masë administrative 43 000 lekë.

Menjëherë pas publikimit të një video-je në rrjetet sociale, në të cilën shfaqet një drejtues automjeti, i cili lëviztë me shpejtësi tej normave të lejuara dhe që kryente manovra të rrezikshme, në një zonë të banuar, shërbimet e Policisë Rrugore të Fierit bënë të mundur lokalizimin e automjetit që shfaqej në video, si dhe identifikimin dhe ndalimin e drejtuesit të tij, shtetasit R. D., 23 vjeç.

Për kundërvajtjet e kryera, konkretisht për shkelje të neneve 139 dhe 141 të Kodit Rrugor, shtetasi R. D. u ndëshkua me masë administrative 43 000 lekë. Drejtoria Vendore e Policisë Fier apelon për të gjithë përdoruesit e rrugës, që të respektojnë rregullat e qarkullimit rrugor, me qëllim mbrojtjen e jetës dhe garantimin e sigurisë rrugore.

Video e marrë nga Policia Fier

Sondazh

Poll

Lexo gjithashtu

Hapësire reklamuese