Kryebashkiaku i Divjakës Fredi Kokoneshi dyshohet se është qëlluar me grusht në fytyrë nga nipi i deputetit të Partisë Socialiste, Paulin Sterkaj.
Vetë kryebashkiaku i PS, Kokoneshi denoncoi në Polici duke thënë se ishte dhunuar nga 32-vjeçari Dritan Sterkaj pas një konflikti verbal në resortin turistik që menaxhohet nga Sterkaj në Divjakë.
Ai tha se u godit për shkak të detyrës, ndërsa një person tjetër e ofendoi me fjalë banale.
Sipas raportimeve, shkak i konfliktit është bërë mospagesa e taksave ndaj Bashkisë së Divjakës, nga resorti që menaxhohet nga nipi i Sterkajt është bërë shkasë për përplasjen.
Sakaq, policia i ka referuar materialet për këtë ngjarje në Prokurori.