Hapësire reklamuese

Politikë

Me foto mes hashashit, Ervin Salianji reagon për legalizimin e kanabisit: Rama thjesht po përgatit një territor shumë të sigurt për grupet kriminale

Shkruar nga Newsbomb

Deputeti demokrat Ervin Salianji ka reaguar pas njoftimit të kryeministrit Rama se Shqiëpria do të legalizojë kultivimin e kanabisit për qëllime mjekësore.

Teksa poston disa foto të vjetra në mes të fushës së mbjellë me kanabis, ai akuzon Ramën se po përgatit një territor shumë të sigurt për grupet kriminale, për të kultivuar lirisht në Shqipëri kanabis.

Salianji thotë se PD i ka denoncuar lidhjet e qeverisë me krimin e organizuar në trafikun e leëndëve narkotike, teksa shton se kanabizimi nuk mund të jetë një faturë që duhet ta paguajnë shqiptarët dhe nga e cila të përfitojë Edi Rama.

Postimi i plotë:

RAMA FATURON PADREJTËSISHT SHQIPTARËT PËR  KANABISIN!

Kanabizimi nuk mund të jetë një faturë që duhet ta paguajnë shqiptarët dhe nga e cila të përfitojë Edi Rama. Sot me një vendim të parashpallur, Edi Rama i tha shqiptarëve se do të lejojë përdorimin e kanabisit mjekësor. Njeriu që për 8 vite kanabizoi çdo pjesë të territorit! Njeriut që i janë faktuar lidhjet me grupe kriminale dhe për këtë ka dhe drejtues pas hekurave të përfshirë në çështjet e trafikut të narkotikëve. Njeriu që përtej çdo paralajmërimi të ndërkombëtarëve, i dha mundësinë dhe hapësirën çdo trafikanti pa dhe me uniformë të kanabizojë Shqipërinë, sot ka zgjedhur tjetër rrugë. Asnjë qëllim të mirë nuk ka kjo nismë. Edi Rama thjesht po pregatit një territor shumë të sigurt për grupet kriminale, për të kultivuar lirisht në Shqipëri kanabis. Në 8 vite, Partia Demokratike dhe ne si ligjvënës kemi denoncuar lidhjet e qeverisë me krimin e organizuar në trafikun e leëndëve narkotike. Ndaj sot askush nuk mund të faturojë shqiptarët, për një kosto që e ka të gjithën personale!

Lexo gjithashtu

Sondazh

Poll