Në Maqedoninë e Veriut sot është kapur një kamion mallrash me targa shqiptare me drogë.
Mediat maqedonase bëjnë me dije se në kamion është gjetur 50 kg marijuanë, që kap vlerën e 200.000 euro.
Mësohet se kamioni kishte destinacion Greqinë, por është kapur në Maqedoni. Shoferi ka tentuar t’u jap rryshfet efektivëve që mos kontrollonin kamionin, por policia ka ushtruar kontroll dhe gjeti dorgën.
Policia njofton se ka arrestuar shoferin, një shtetas shqiptar me inicialet B.J., rreth 40 vjeç.
“Është ndaluar një makinë mallrash “MAN” me targa të Shqipërisë, e që drejtohej nga B.J. (40) nga Republika e Shqipërisë. Shtetasi shqiptar i ka ofruar para policëve për të mos kryer kontrolle. Policia ka kryer kontrolle, pas çka janë gjetur dy qese ku janë futur 50 pako me marijuhanë peshë të përgjithshme prej 50 kilogramëve. Vlera e drogës kap vlerën e 200.000 eurove. Shoferi është privuar nga liria”, thonë mes tjerash policia.