Ka përfunduar zyrtarisht orari i votimit për kryeatrin e ri të Partisë Demokratike. Rreth 75 mijë anëtarë të PD-së i janë drejtuar qendrave të votimit ditën e sotme.
Në garë për kryetarin e ri të partisë ishin Lulzim Basha, Agron Shehaj, Edith Harxhi dhe Fatbardh Kadilli. Sipas kryetarit të Komisionit Zgjedhor të PD-së, Jemin Gjana, deri në orën 17: 00 në kutitë e votimit kishin shkuar rreth 33 mijë anëtarë.
Por procesi i votimit nuk ka qenë i qetë, pasi kandidatët që garojnë përbalë Bashës kanë akuzuar strukturat e partisë se kanë hequr nga lista e votuesve një numër të madh anëtarësh, duke u hequr të drejtën e votës.
Numërimi i votave pritet të fillojë më vonë, ndërkohë që rezultati përfundimtar do të dalë ditën e nesërme.