Autoritetet në Gana kanë mbyllur një “Ambasadë Amerikane” e drejtuar nga një rrjet kriminal që kishte plot 10 vite që jepte viza autentike amerikane të siguruara në mënyrë ilegale.
Ambasada ndodhej në kryeqytetin e Ganës, Accra, në një ndërtesë dy katëshe ngjyrë rozë dhe me çati metalike. Në pjesën e jashtme valëvitej flamuri amerikan ndërsa në murin brenda qëndronte e varur fotografia e Barack Obamës, raporton Newsbomb.al.
Ambasada false nuk drejtohej nga autoritetet amerikane por sipas Departamentit Amerikan të Shtetit, drejtohej nga një grup kriminal i përbërë nga shtetas ganezë dhe turq.
Një vizë autentike por e siguruar në rrugë ilegale lëshohej për 6 mijë dollar, ndërsa “Ambasada” shpërndante edhe dokumente identifikimi false. /Newsbomb.al
Sondazh
Lexo gjithashtu
