Hapësire reklamuese

Aktualitet

Mbushi me kanabis fshatin në Shkodër, ekstradohet nga Italia 31 vjeçari i shumëkërkuar (EMRI)

Shkruar nga Newsbomb
Mbushi me kanabis fshatin në Shkodër, ekstradohet nga Italia 31

Një 31 vjeçar shqiptar  është ekstraduar nga Italia drejt Shqipërisë, i akuzuar për kultivimin e rreth 1100 bimëve kanabis, në fshatin Pult të Shkodrës. Bëhet fjalë për shtetasin Gjon Kodraj, 31 vjeç, banues në Shkodër. Më herët Gjykata e Shkodrës i kishte caktuar 31-vjeçarit, masën e sigurisë "Arrest në burg", për veprën penale "Kultivimi i bimëve narkotike", kryer në bashkëpunim.

Njoftimi i Policisë:

Interpol Tirana

Ekstradohet nga Italia drejt Shqipërisë, një shtetas shqiptar, i akuzuar për kultivimin e rreth 1100 bimëve kanabis, në një fshat të Shkodrës.

Në kuadër të bashkëpunimit mes Interpol Tiranës dhe Interpol Romës, për kapjen e shtetasve në kërkim ndërkombëtar që fshihen në këto dy vende dhe ekstradimin e tyre në vendin ku ata kanë kryer veprën/veprat penale, është ekstraduar nga Italia drejt Shqipërisë, shtetasi Gj. K., 31 vjeç, banues në Shkodër.

Gjykata e Rrethit Gjyqësor Shkodër i ka caktuar 31-vjeçarit, masën e sigurisë "Arrest në burg", për veprën penale "Kultivimi i bimëve narkotike", kryer në bashkëpunim. Shtetasi Gj. K. dyshohet se në bashkëpunim me shtetas të tjerë, në vitin 2016 ka kultivuar në territorin e fshatit Pult, Shkodër, rreth 1100 bimë narkotike kanabis, të cilat janë gjetur dhe asgjësuar nga Policia, gjatë kontrollit të territorit të këtij fshati.

Sondazh

Poll

Lexo gjithashtu

Hapësire reklamuese