Hapësire reklamuese

Aktualitet

Mbrëmë shënjestër e atentatit, koha kur Fatjon Murati garonte në ring përkrah Luan Krasniqit dhe Nuri Seferit

Shkruar nga Newsbomb
Mbrëmë shënjestër e atentatit, koha kur Fatjon Murati

Një ngjarje e rëndë u shënua mbrëmë në Don Bosko në ambientet e një lokali në pronësi të Fatjon Muratit.  Nga atentati mafioz mbeti e vrarë banakierja e lokalit, Mimoza Paja 58 vjeç, si dhe u plagosën pesë persona të tjerë mes tyre edhe një e mitur 10-vjeçare.

Edhe pse deri më tani nuk ka asnjë informacion zyrtar lidhur me objektivin e këtij atentati, në medie flitet se është një hakmarrje mes grupeve rivale.

Në shënjestër thuhet se ka qenë Fatjon Murati, i cili kishte masë sigurie arrest shtëpie nga Gjykata e Tiranës. Por, në momentin e atentatit ai nuk ka qenë në lokalin që ishte pronësi të tij, madje 37-vjeçari nuk ndodhej as në banesën e tij duke thyer kështu masën e sigurisë.

Po kush është Murati? Në botën e sportit e njohin mirë djaloshin nga Kukësi. Ai ka qenë boksier profesionist. Madje ka garuar për titullin kampion bote në Federatën IBF Junior kundër Francesco Versaçit.

Asokohe ai jetonte në Gjermani dhe në atë përballje do të shkonte pa asnjë humbje. Murati ka nisur karrierën si boksier profesionist në vitin 2008 në Mynih të Gjermanisë. Fillimet e veta i ka pasur në Shqipëri, ku kishte rënë në sy për talentin e tij në këtë sport. Pas Luan Krasniqit dhe Nuri Seferit, Murati ishte boksieri i tretë shqiptar që ndeshej për një titull aq të rëndësishëm.

Karrierën e tij në këtë sport nuk e vijoi për shumë vite. Ndërkohë në vendin tonë u përmend vitin e shkuar në atentantin mafioz të ndodhur në mbikalimin e Fushë Krujës ku mbetën të vrarë 3 persona. Prokuroria dhe Gjykata nuk arritën të provonin fajin e ish boksierit, megjithatë ai u ndalua për armëmbajtje pa leje, ku vuante dhe masën e sigurisë arrest shtëpie.

LEXO EDHE: Masakra në Don Bosko, flet mikesha e viktimës: Mblidhte kanoçe, punonte dy turne për bukën e gojës

LEXO EDHE: DEL FOTO, kjo është 60-vjeçarja banakiere që mbeti e vrarë nga breshëria e kallashnikovit brenda lokalit në Don Bosko

 

 

Sondazh

Poll

Lexo gjithashtu

Sondazh

Poll