Më shumë se 27,000 refugjatë kanë mbërritur në Gjermani nga Ukraina që nga fillimi i pushtimit rus më 24 shkurt. Lajmi është konfirmuar nga ministria e Brendshme gjermane.
“Policia Federale e Gjermanisë ka regjistruar 27,491 refugjatë nga Ukraina në Gjermani deri më tani”, konfirmoi një zëdhënës i ministrisë së brendshme këtë të shtunë, raporton CNN.
“Meqenëse nuk ka kontrolle kufitare, numri i refugjatëve të luftës që hyjnë në Gjermani mund të jetë tashmë shumë më i lartë”, thuhet në deklaratën e ministrisë së Brendshme.
Që prej pushtimit rus, më 24 Shkurt, liderët botërorë i kanë dalë kundër presidentit rus Vladimir Putin, duke i kërkuar që të tërhiqet nga lufta, si dhe duke vendosur sanksione të ashpra Rusisë. Ukraina është në ditën e 10-të të luftës, ndërkohë autoritetet ukrainase thanë sot se Rusia nuk po respekton armëpushimin në qytete.