Rrëshkitjet e dheut të shkaktuara nga reshjet e shumta të shiut kanë shkaktuar të paktën 13 viktima.
Sipas asaj që raportojnë mediat vendase, pjesëtarët ishin pjesë e ekipit të shtëtimit në Vietnam. Personat ishin pjesë e grupit prej 21 anëtarësh për të ndihmuar punëtorët e bllokuar në një hidrocentral në ndërtim të goditur nga rrëshqitja në provincën Thua Thien Hue. Ushtarët u bllokuan nga rrëshqitjet e dheut gjatë rrugës për në hidrocentral, duke humbur edhe jetën.
Trupat ende nuk janë identifikuar ndërsa misioni i shpëtimit po vazhdon. Incidenti ndodhi më shumë se 10 kilometra (6.2 milje) nga rruga kryesore. Pak trupa janë tërhequr nga zona. Rrëshqitjet e tokës kishin goditur hidrocentralin Rao Trang-3 të hënën në mbrëmje. Autoritetet po përdorin anije me shpejtësi të lartë për të kapërcyer rezervuarin e hidrocentralit Huong Dien për t’iu afruar digës.
Ka raporte që më shumë njerëz janë varrosur në zonë për shkak të rrëshqitjeve të dheut. Shirat e dendur kanë goditur Vietnamin që nga fundjava e kaluar. Reshjet ekstreme të shiut kanë shkaktuar përmbytje në provincat qendrore të Vietnamit, duke vrarë gati 20 njerëz, ndërsa 14 të tjerë janë zhdukur.
Vendi i Azisë Juglindore po përgatitet për tajfunin e shtatë, Nangka. Zyrtarët e meteorologjisë kanë parashikuar reshje të vazhdueshme shiu në rajon, të paktën deri në 20 Tetor, për shkak të presionit të ulët në veri të Detit të Kinës Jugore, i njohur gjithashtu si Deti Lindor në Vietnam.