Hapësire reklamuese

Aktualitet

Mbante fenelinë policie dhe lëvizte me armë nëpër kryeqytet, arrestohet i riu në Tiranë (EMRI-VIDEO)

Shkruar nga Newsbomb

Një 32-vjeçar ëhstë arrestuar në flagrancë nga policia pasi akuzohet se lëvizte me armë zjarri pa leje në kryeqytet si dhe mbante me vete fenelinë policie.

Policia bën me dije se procedohet penalisht drejtuesi i mjetit që përdorte fenelinën e policisë për veprën penale “Mbajtja pa të drejte e uniformës. Në vijim të masave për evidentimin dhe kapjen e atyre që qarkullojnë me armë zjarri pa leje, shërbimet e Forcës së Posaçme për Operacionet Speciale dhe Kërkimit në Drejtorinë Vendore të Policisë Tiranë , rreth orës 23.00, gjatë një kontrolli të befasishëm në rrugën “Tom Plezha”, Tiranë, në automjetitn me targa angleze HN55DPX, që drejtohej nga shtetasi F.H, rezultoi se: Aleksandro Karaj, 32 vjeç, lindur në Elbasan dhe banues në Tiranë , i cili ishte pasagjer në automjet, gjatë kontrollit fizik i'u gjet në trup një Pistoletë e markes “Beretta” kalibri 7.65 mm. Shtetasi i lartpërmendur u arrestuan në flagrancë për vepren penale “Prodhimi dhe mbajtja pa leje e armeve luftarake dhe municionit”, vepër penale qe parashikohen nga neni dhe 278 i K. Penal.

Gjatë kontrollit të mëtejshem në automjet policia gjeti një palë fenelina policie për të cilën u procedua në gjendje të lirë për veprën penale “Mbajtja pa të drejtë e uniformës” të parashikuar nga neni 247 i K. Penal, drejtuesi dhe perdoruesi i automjetit, shtetasi: F. H. 38 vjeç, lindur dhe banues Tiranë . Në cilësinë e provës materiale është bërë sekuestrimi i Pistoletës e tipit ”Beretta” kalibri 7.65 mm, bashkë me një kreher me 5 (fisheke), autoveture e markes ”Nissan”, modeli ”Murano”, një dritë feneline si ato që përdor policia, si dhe një palë dylbi. Materialet iu kaluan Prokurorisë së Rrethit Gjyqesor Tiranë, për veprën penale, “Prodhimi dhe mbajtja pa leje e armeve luftarake dhe municionit”, vepër penale që parashikohen nga neni dhe 278 i Kodit Penal dhe veprën penale “Mbajtja pa te drejte e uniformes”. 

 

Lexo gjithashtu

Sondazh

Poll