Hapësire reklamuese

Çështjet kryesore

Politikë

Mark Marku: Ju garantoj se PD nuk do t’i njohë kurrë zgjedhjet, do ia marrim shumë shpejt pushtetin nga duart e Rilindjes

Shkruar nga Newsbomb
Mark Marku: Ju garantoj se PD nuk do t’i njohë kurrë zgjedhjet,

Drejtuesi politik i Partisë Demokratike në qarkun e Lezhës, Mark Marku, me anë të një postimi në rrjetet sociale shprehet se PD nuk do t’i njohë kurrë zgjedhjet e 25 prillit.

Ai thotë se zgjedhjet u vodhën nnë shkallë vendi nga Rama, ndërsa shton se Partia Demokratike do të punojë që shumë shpejt ta marrë pushtetin nga duart e Rilindjes dhe ta kalojë tev populli.

Sipas tij, SHBA, BE dhe e gjithë bota demokratike nuk do ta njohin “Likashenkon” e Ballkanit dhe zgjedhjet e tij.

Postimi i plotë:

Të dashur qytetarë të Lezhës, Kurbinit, Mirditës.

Të dashur vëllezër dhe motra.

Falë mbështetjes tuaj, ne arritëm një fitore të madhe në gjithë qarkun (5900 vota plus) më të madhe, në gjithë historinë e pluralizmit.

Me gjithë milionat e parave të hedhura nga pushteti i korruptuar i Ramës, me gjithë llumin e krimit që përmbyti si asnjëherë tjetër Lezhën, Kurbinin dhe Mirditën, ju treguat në mënyrë shembullore se asgjë nuk e mposht karakterin, dinjitetin dhe shpirtin e lirë të qytetarëve të zonës sonë, asgjë dhe askush nuk e përdhos krenarinë tonë.

Si drejtues politik i qarkut bashkë me kolegët ju falenderoj përzemërsisht dhe ju garantoj se do të jemi në lartësinë e gjestit tuaj fisnik. Shumë prej jush me lot në sy, sot më kanë shprehur deshpërimin për faktin se ajo që nuk ndodhi në Lezhë apo diku tjetër ndodhi në Shqipëri.

Paratë që u janë vjedhur juve nga qeveria më e korruptuar në botë, pra nga Rama, dhe llumi i krimit na i vodhën zgjedhjet në shkallë vendi.

Ju garantoj se Partia Demokratike nuk do ti njohë kurrë këto zgjedhje, dhe do punojë që shumë shpejt pushteti nga duart e bandës grabitëse të Rilindjes të kalojë tek populli.

Jam i bindur se SHBA, BE dhe gjithë bota demokratike nuk do ta njohin Lukashenkon e Ballkanit, Edi Rama dhe zgjedhjet e tij.

Shumë shpejt e gjithë Shqipëria do bëhet si Qarku jonë, zonë e lirë dhe demokratike.

Miqësisht, Mark Marku.

Lexo gjithashtu

Sondazh

Poll