Ylli i futbollit botëror, Diego Armando Maradona është filmuar në gjendje të rëndë pas fitores së Argjentinës në ndeshjen kundër Nigerisë.
Maradona, i cili ka shpërthyer nga gëzimi gjatë dy golave të kombëtares argjentinase, është parë të konfrontohet në distancë me disa fansa të cilëve u ka treguar gishtin e mesit.
Megjithatë pas ndeshjes ai është transportuar jashtë shkallëve të stadiumit nga dy persona të cilët e mbajnë nga krahët.
Në media po spekulohet për abuzim me substanca dehëse, deri te gjendje jo e mirë shëndetësore e legjendës së futbollit, shkaktuar nga emocionet e forta për avancimin e Argjentinës nga faza e grupeve.