Një tjetër aksident është shënuar mbrëmjen e kësaj të diele në Fier. Burime për mediat bëjnë me dije se ngjarja ka ndodhur në lagjen “Kastrioti” të këtij qyteti, ku një automjet është kthyer përmbys në rrugë.
Si pasojë drejtuesi i mjetit ka mbetur i plagosur dhe është nisur me urgjencë drejt spitalit.
Shoferi i mjetit tip “Volkswagen” dyshohet se gjatë përpjekjes për të shmangur një qen, ka humbur kontrollin dhe është përplasur me shtyllën e ndriçimit.
Ndërkohë në vendin e ngjarjes kanë shkuar forcat e policisë të cilët po punojnë për zbardhjen e plotë të këtij aksidenti.