Sekretarja e Përgjithshme e Këshillit të Bashkëpunimit Rajonal, Majlinda Bregu, tha se mbajtja e Samitit të BE-së në Tiranë, është një lajm shumë i mirë për Shqipërinë, por edhe për rajonin në tërësi. Ish-ministrja u shpreh se janë shtetet e Ballkanit Perëndimor të cilat duhet të angazhohen për t’i çuar përpara nismat e planifikuara.
“Ky proces të mos ketë ndalesa rrugës. Vendet tona, nuk bëhen asnjëherë më demokratike në rast se BE heq vëmendjen dhe heq dozën e monitorimit. Atë angazhim që vjen nga politika dhe nga qeveritë e rajonit, t’i çojnë përpara, besoj në këtë rast, edhe sot kemi dëshmuar se jemi duke i realizuar. Mbajtja e samiti është lajm i mirë për Ballkanin Perëndimor, por dyfish lajm i mirë për Shqipërinë. Shqipëria nuk ka lundruar drejt lindjes, as nuk ka flirtuar, ka zgjedhur BE dhe Evropën si partner kryesor”, u shpreh Bregu për Fax Neës.
E pyetur në lidhje me sulmin e kreut të PD, Sali Berisha në protestë, i cili u godit me grusht nga 31 vjeçari Gert Shehu, Bregu u shpreh se ndjen keqardhje dhe se protestat janë një akt demokracie që çdokush ka të drejtë t’i realizojë ato pa asnjë pengesë.