Deputetja e Partisë Demokratike, z.Majlinda Bregu ka reaguar në rrjetin social “Facebook” për ngjarjen e ndodhur në Fier, duke e quajtur atë një ‘terrorizëm të tmerrshëm’.
“Nje tjetër grua u vra sot në Fier nga bashkëshorti, një tjetër u godit barbarisht në Bulqizë, një tjetër u godit me gur dje ne Rubik, 2 vajza të reja u vranë brenda 2 javëve.
Ky është terrori me të cilin jetojnë gra e femijë, nëna e baballarë sot, përditë, të kërcënuar, dëmtuar e nën frikën se asgjë nuk e ndal dot fatin e keq”- shkruan deputetja.
Bregu, u bëri thirrje organeve vendimarrëse dhe politikbërëse të marrin masa të sigurta dhe afatgjata kundër këtij ‘terrorizmi të përditshëm’, siç e cilësoi ajo.