Presidenti francez Emmanuel Macron gjatë një konference për shtyp në samitin e G7 në Bavari ka paralajmëruar se fundi i luftës në Ukrainë nuk mund të vijë as në javët në vazhdim dhe as në një muaj.
“Rusia nuk mund dhe nuk duhet ta fitojë luftën. Mbështetja jonë për Ukrainën dhe sanksionet tona kundër Rusisë do të vijojnë për aq kohë sa të jetë e nevojshme dhe me intensitetin e nevojshëm në javët dhe muajt e ardhshëm”, tha Macron.
Kur u pyet në lidhje me thirrjen e presidentit ukrainas Volodymyr Zelensky për t’i dhënë fund luftës në Ukrainë para përfundimit të vitit, Macron u përgjigj duke shuar shpresat për një përfundim të luftës.
Udhëheqësi francez refuzoi të përdorte gjuhën e përdorur më parë nga Zelensky, duke e përshkruar Rusinë si një "shtet që sponsorizon terrorizmin".
Macron gjithashtu e quajti sulmin me raketa ruse në një qendër tregtare të Ukrainës një "krim lufte".