Presidenti francez Emmanuel Macron zhvilloi një bisedë telefonike me presidentin rus Vladimir Putin. Pallatit Élysée bëri me dije se biseda mes dy liderëve zgjati mbi dy orë.
Sipas Kremlinit, Putin i tha Macronit për përparimin e "operacionit special për të mbrojtur Donbasin" dhe evakuimin e civilëve "të mbajtur nga nacionalistët" nga uzina Azovstal në Mariupol, duke përdorur terma për të justifikuar pushtimin e tij në Ukrainë.
Putin nënvizoi se pavarësisht "papërgatitjes" së autoriteteve të Kievit, Moska është ende e hapur për dialog.
Gjatë bisedës Macron ngriti çështjen e sigurisë globale ushqimore, ndërsa Putin u përgjigj duke thënë se situata është e komplikuar nga sanksionet e vendosura nga vendet perëndimore.