Emmanuel Macron është zgjedhur për një mandat të dytë si presidenti i Francës, sipas një sondazhi të mbajtur nga instituti Ipsos.
Ai ka arritur që të mundë sfiduesen e tij të ekstremit të djathtë, Marine Le Pen, në raundin e dytë të zgjedhjeve presidenciale me 58.2% të votave.
Sipas Exit Pollit përfundimtar Marine Le Pen ka fituar 41.8% të votave të francezëve.
Edhe sondazhet e opinionit publik gjatë ditëve të fundit kanë sugjeruar që Emmanuel Macron mund të bëhet presidenti i parë francez në 20 vjet që fiton një mandat të dytë.
Ato të gjithë sugjeronin se centristi pro-evropian do të fitojë, megjithëse diferenca ndaj rivales së tij nacionaliste Marine Le Pen varionte nga 6 në 15 pikë përqindjeje, në varësi të sondazhit.
Sondazhet parashikonin gjithashtu se një numër ndoshta rekord i njerëzve ose do të hedhin “një votë të bardhë” ose nuk do të votojnë fare.