Sërish Lumi Ishëm mbetet problematik dhe në këtë stinë pranverore për disa fshatra në zonën e Krujës.
Frika nga banorët për ndonjë përmbytje prej reshjeve të stinës mbetet problematikë për çdo vit, ndërsa përgjatë rrjedhës së lumit vijojnë të shfaqen mbetjet. Banorët tregojnë se lumi Ishëm mbart jo vetëm mbetjet e disa zonave, apo dhe institucionet kanë zgjedhur rrugën më të shkurtër në hedhjen e mbeturinave në shtratin e lumit, por akoma më e rëndomtë shfaqet problematika teksa banorët tregojnë se dhe kafshët e ngordhura nga sëmundje të ndryshme hidhen në lumin që përshkon jo vetëm qytetin e Fushë Krujës, por dhe disa fshatra të tjerë, të cilët përmbyten nga reshjet.
Kjo situatë e përvitshme shqetëson banorët e fshatrave në breglumin e Ishmit e cila përcjell dhe shqetësimin e banorëve në qytetin e Fushë Krujës, tashmë rrezikuar nga të tilla fenomene përmbyetjesh. Mungesa e ndërhyrjeve në pastrimin e shtatit të lumit, prania e mbetjeve ndër vite, dhe rrëshkitja e argjinaturave sjellin problematikën për fshatrat e Krujës ku përshkohet lumi Ishëm që rrjedh nga zonat e kryeqytetit, dhe mbetjet pëqrfundojnë pranë zonës turistike të Gotullës.