Gjobitet me 50 milion lekë të vjetra ish-deputeti demokrat Edmond Spaho, për shkelje të masave anti-Covid.
Gjoba e majme ndaj Spahos vjen vetëm pak orë pas një tjetër gjobe po me të njëjtën vlerë, ndaj kryetarit të FRPD-së, Belind Këlliçi.
Spaho është gjobitur për organizimin e një takimi elektoral në një lokal në Devoll të Korçës, ku u grumbullua një numër i lartë mbështetësish të PD-së.
Me gjobë prej 1 milion lekë të vjetra është ndëshkuar edhe pronari i lokalit ku u mbajt takimi.